Izen-ematea zabalik Eguesibarko Zientziaren 10. Asteko jardueretan parte hartzeko

Azaroaren 13tik 15era, Eguesibarren hainbat jarduera antolatuko dira zientzia, teknologia eta adimen artifiziala herritarrengana hurbiltzeko. Izena emateko epea azaroaren 11ra egonen da zabalik.

Eguesibarko Udalak izena emateko epea ireki du Zientziaren 10. Astearen barruan antolatutako jardueretan parte hartzeko. Jarduerak azaroaren 13tik 15era eginen dira.

Programazioak ikaskuntza, sormena, esperimentazioa eta entretenimendua uztartzen dituzten proposamen parte-hartzaileak biltzen ditu, zientziaren eta teknologiaren mundua herritarrengana hurbiltzeko helburuarekin.

Jardueren artean Prompt-a-thon eta Escape Room zientifikoa nabarmentzen dira. Ekimen horiek tresna berriak ezagutzera, erronkei aurre egitera eta elkarlanean esperimentatzera gonbidatzen dute.

Prompt-a-thon: adimen artifiziala eta sormena

Adimen artifizial sortzailea erabiliz gizarte-arloko erronkei irtenbideak bilatzeko lankidetza-jarduera da.

Parte-hartzaileek adimen artifizialaren aukerak ezagutzeko, beren talentu digitala garatzeko eta harreman-sarea zabaltzeko aukera izanen dute, profesional espezializatuen laguntzarekin.

Ez da aldez aurreko ezagutzarik behar; ikasteko interesa eta gogoa izatea nahikoa da.

Izen-ematea: azaroaren 11ra arte, desarrollolocal@egues.es helbidean.

Escape Room zientifikoa: Manyaren sekretua

Zientzia, esperimentazioa eta jolasa uztartzen dituen esperientzia da, Marie Curieren biografia ardatz hartuta.

Proba eta erronka desberdinen bidez, parte-hartzaileek kimikarekin lotutako kontzeptuetan sakontzeko aukera izanen dute, eta, aldi berean, emakumeek zientziaren garapenean egindako ekarpena ezagutuko dute.

Jardueraren helburua jakin-mina piztea, ikaskuntza praktikoa sustatzea eta zientzia modu dinamiko eta dibertigarrian hurbiltzea da.

Izen-ematea: azaroaren 11ra arte, juventud-gazteria@egues.es helbidean.

Zientzia, parte-hartzea eta tokiko merkataritza

Jarduerek profesionalen eskutik ikasteko, teknologia berriekin esperimentatzeko eta ezagutzak ingurune parte-hartzaile batean partekatzeko aukera eskaintzen dute.

Gainera, parte-hartzea Eguesibarko saltoki eta zerbitzuetan erabiltzeko deskontu-bonuekin saritu ahal izanen da. Horrela, ekimenak tokiko merkataritzaren sustapenarekin ere bat egiten du.

Ez geratu plazarik gabe!

Informazio gehiago: desarrollolocal@egues.es