Albistea
Eguesibarko Udalak EGUESKLIK jarri du martxan, herritarrentzako informazio- eta parte-hartze plataforma berria
Mugikorretik eta ordenagailutik erabil daitekeen tresna honek gorabeheren berri emateko, proposamenak aurkezteko, herritarren kontsultetan parte hartzeko eta udal informazioa eskuratzeko aukera eskaintzen du, Udalarekiko komunikazioa erraztuz.
Eguesibarko Udalak EGUESKLIK jarri du martxan, herritarren eta udal administrazioaren arteko komunikazioa errazteko eta udalerriko gaietan parte hartzeko aukera berriak eskaintzeko plataforma digitala.
Tresna Eguesibar osoko biztanleei zuzenduta dago, kontzejuetako biztanleak barne, eta telefono mugikorretatik zein ordenagailuetatik erabil daiteke. Helburua komunikazio-bide erraz eta irisgarri bat eskaintzea da, bizilagunek beren beharrak helarazi, proposamenak partekatu eta udalerriko bizitzan parte hartu ahal izan dezaten.
Zer egin daiteke EGUESKLIKekin?
Plataformak hainbat funtzionalitate biltzen ditu, Udalarekiko eguneroko harremana errazteko:
- Gorabeheren berri ematea: Udalaren arreta behar duten udalerriko egoeren berri ematea.
- Proposamenak aurkeztea: Eguesibar hobetzeko ideiak eta ekimenak helaraztea.
- Kontsultetan eta inkestetan parte hartzea: iritziak adieraztea eta Udalak sustatutako parte-hartze prozesuetan ekarpenak egitea.
- Kontsultak egitea: udal administrazioarekin komunikatzeko bide berri bat izatea.
- Zalantzak argitzea: udal zerbitzuei buruzko ohiko galderen erantzunak jasotzeko chatbot bat erabiltzea.
- Udal informazioa eskuratzea: herritarrentzat interesgarriak diren albisteak, berritasunak eta edukiak kontsultatzea.
Komunikaziorako eta parte hartzeko bide berria
EGUESKLIKek Udalaren eta herritarren arteko harremanetarako bideak zabaltzen ditu, Eguesibarko herri eta kontzejuetako biztanleek udal informazioa eskuratu eta beren inguruneari eragiten dioten gaietan parte hartu ahal izan dezaten.
Plataforma dagoeneko erabilgarri dago helbide honetan:
Udalak herritarrak gonbidatzen ditu EGUESKLIK ezagutzera eta haren funtzionalitateak erabiltzera, informatuta egoteko, gorabeheren berri emateko eta udalerria hobetzen parte hartzeko.
Informazio guztia hemen: Zer da EGUESKLIK?
Nafarroako Gobernuak diruz lagundutako jarduera.
