2027ko Sarrigurengo azokan saltokiak jartzeko eskaerak aurkezteko epea zabalik

Sarrigurengo larunbatetako azokan 2027rako urte osoko saltoki bat izan nahi duten pertsonek 2026ko abenduaren 9ra arte aurkeztu ahal izango dute eskaera, Eguesibarko Udalaren Egoitza Elektronikoaren bidez.

Eguesibarko Udalak 2027an Sarrigurengo azokan saltzeko urteko baimena lortzeko eskaerak aurkezteko epea ireki du.

Azoka Sarrigurengo Espainia etorbidean egiten da, larunbat goizetan, jaiegunetan eta herriko jaietan izan ezik.

Saltokien banaketa

Udal-ebazpenaren arabera, azokan gehienez 17 saltoki egongo dira, salgai dauden produktuen kategorien arabera honela banatuta:

• Frutak eta barazkiak: gehienez 4 saltoki.
• Gazta, bakailaoa, arrautzak eta lekaleak: gehienez 2 saltoki.
• Kontserbak, ozpinetakoak eta ardoa: gehienez 2 saltoki.
• Gozogintza eta pastelgintza: gehienez 2 saltoki.
• Gainerako kategoriak: gehienez 2 saltoki kategoria bakoitzeko.

Ebazpenak aukera ematen du kategoria bakoitzeko baimen kopurua handitzeko, betiere saltoki libreak badaude eta ezarritako baldintzak betetzen badira.

Eskaerak aurkezteko epea eta modua

Interesa duten pertsonek 2026ko abenduaren 9ra arte aurkeztu beharko dute eskaera, Eguesibarko Udalaren Egoitza Elektronikoan erregistratuz.

Eskaera-inprimakia behar bezala beteta aurkezteaz gain, udal-ebazpenean eskatutako dokumentazioa erantsi beharko da. Dokumentazio horrek dagokion jarduera ekonomikoan alta emanda egotearekin eta Gizarte Segurantzarekin lotutako egiaztagiriak jasotzen ditu, baita, hala badagokio, elikagaien higieneari buruzko prestakuntzaren ziurtagiria eta bizileku- eta lan-baimenak ere.

Beren uztak saldu nahi dituzten nekazariek dagokion udal-ziurtagiria ere aurkeztu beharko dute.

Eskaerak abenduan ebatziko dira, eta emaitza interesdunei jakinaraziko zaie.

Informazioa eta dokumentazioa

Eskaerak aurkezteko azken eguna: 2026ko abenduaren 9a.

Aurkezteko lekua: Eguesibarko Udalaren Egoitza Elektronikoa.

Eskuragarri dagoen dokumentazioa:

• 2026ko urriaren 30eko 3679 zenbakiko udal-ebazpena, 2027ko azokaren funtzionamenduari buruzkoa.
• Azokan saltokia eskatzeko inprimakia.

Egoitza Elektronikoa: https://sedeelectronica.valledeegues.es/